Uitreik

Ons huidige uitreik-aksies bestaan uit:

Die Maranata Omgee Groep

Die Maranata Omgee Groep is 'n barmhartigheidsgroep wat 'n helpende hand uitsteek in tye van nood. Hulle bestuur 'n voedselbank vir wanneer daar fisiese nood bestaan onder lidmate (voedselbydraes is altyd welkom.) 'n Meubelbank bestaan vir nuwe mense wat nog vir hul verskeepte meubels wag. Die groep funksioneer onder die toesig van die Diakonie. Die diakonie help ook met finansies waar dit nodig is.

Evangelisasie

Ons gemeente het ‘n hart vir Evangelisasie en doen graag uitreike. Tans is ons aktief by DrugArm in Christchurch betrokke. Dr Tienie is op hulle bestuur en verskeie lidmate reik Vrydag en /of Saterdagaande deur middel van hulle “street van” bediening uit na die mense op straat. Die fokus is die mense met Alkohol en ander dwelm probleme asook die vroue wat prostitusie be-oefen. Daar word dan kos en tee of koffie voorsien saam met ondersteuning en die Evangelie.